Ən çox çicək olan şəhər-Bern

İsveçrə və bu ölkənin paytaxtı Bern 20-ci əsrin dağıdıcı müharibələrindən kənarda qaldığına görə, əsrlər boyu formalaşmış görüntüsünü qoruyub saxlamışdır. Şəhərin memarlığı təkcə Alp ölkələrinin deyil, bütün Avropanın zəngin tarixini əks etdirir. Bu günə

qədər qalmış tarixi binaların əksəriyyəti  XVI-XVII əsrə aid olan yerli daşlardan tikilib. Bir çoxunun əsası XVI əsrdə qoyulmuş fontanların incə formaları  gələn turistləri heyrətə gətirir. 6 km uzanan bazar sayəsində isə Bern müasir  Avropanın ən uzun örtülü ticarət zonasına çevrilmişdir. Şəhərin əsası 1191-ci ildə hersoq  V Bertold tərəfindən qoyulmuşdur.  Bern şəhərinin simvolu ayıdır. Bu, hersoqun ov vaxtı öldürdüyü ayının şərəfinə qəbul olunmuşdur, şəhərin adı da elə ayının şərəfinə qoyulmuşdur.

Bern, çox da böyük olmayan İsveçrənin olduqca böyük mədəni və iqtisadi mərkəzidir. İsveçrəni sevmək üçün Berndə olmaq kifayətdir. Şəhərdə çoxlu sayda muzey, teatr, restoran  və park var.  Bern “ən çox çiçəkli şəhər” titulunu daşayır. Demək olar ki, siz burada hər bir pəncər’də bənövşə və ətirşah görə bilərsiniz.

Bernin əsas tursitik yerləri  müxtəlif üslublarda tikilmiş məbədlər və kilsələrdir.

Berndə Qədim Şəhər adlandırılan yer, Avropada orta əsrlərə aid olan ən gözəl tikililərdən biri hesab olunur. Burada olanların unikal tarixi abidələrdən olan Saat Qalasına, Parlament binasına, Müqəddəs ruh kilsəsinə, Ayı dərəsinə qarşı biganə qalması mümkün deyil.  Ayı  dərəsində 1480-cı ildən bəri  ayılar yaşayır. Bura Avropanın ilk zoopark tipli yerlərindən  biridir.

Bern Kilsəsi İsveçrənin qot üslubunda tikilmiş kilsələrində birdir. Kilsənin tikintisinə 1421-ci ildə başlanmış və yalnız 1893-cü ildə tamamlanmışdır. Kilsənin ən əsas detallarından biri onun bəzəyidir-XVI əsrə aid mebel və pəncərələrdir. 

1983-ci ildən bəri Bern UNESCO-nun dünya mədəni irsi siyahısına aid edildi. Berni əsas fərqləndirən xüsusiyyətlərdən biri də küçələrin hər iki tərəfi boyunca uzanan talvarlardır ki, bunun sayəsində siz Berndə ekskursiya zamanın havanın yağış və qar olmasından asılı olmayaraq gəzintinizi rahatlıqla davam etdirə bilərsiniz.

Bernin ən görməli yerlərindən biri də gözəl və mənzərəli  Klyayne-Şantz parkıdır. Burada iki möhtəşəm göl və Alp dağlarına açılan mənzərə var.   

Berndə həm də Albert Eynşetynin yaşadığı evlə də çox məşhurdur.  O, 1905-ci ildə burada nisbilik nəzəriyyəsini yaratmışdır.