8 ayda 5 milyon turist!

Bu ilin 8 ayı ərzində Barselonanı 5 milyon turist ziyarət etdi.

Bu ilin ilk səkkiz ayı ərzində Barselonaya milyonlarla xarici turist gəldi. Bu rəqəm keçən ilə nisbətən  5% çoxdur. Məlumat “Hotels con D.O”  orqanizasiyası tərəfindən hazırlanıb. Ehtimal olunur ki,  bu rəqəmlərlə Barselona keçən ilki

rekordunu da üstələyəcək. Xatırladaq ki, keçən ilki bu şəhəri 7,4 milyon turist ziyarət etmişdi. Eyni zamanda iyul və avqust aylarında şəhərin otellərin qiymətində artımın olmasına baxmayaraq tursit axını davam edir.

Barselona Otellər assosiasiyasının prezidenti Xerdi Klos bildirib ki, otellərdə yerlərin gözləniləndən daha tez dolması və ümumilikdə şəhərə axın edənlərin sayı nın artması xarici tursitlər hesabına əldə olunub(Amerika və Rusiya vətəndaşları üstünlük təşkil edir). Yerli tursitlərin sayı isə nəzərə çarpacaq miqdarda azalıb.

Biraz Barselona haqqında:

Barselona Katalonyanın paytaxtı. Katalonya-İspaniyanın bir hissəsidir, burada bütün insanlar özünü evindəki qədər rahat hiss edə bilər, çünkü yerli əhali Katalonyaya gələn hər kəsi yaxın dostu kimi qəbul etməyi bacarır. Katalonyalılar-hər zaman bir-birinə, hətta tanimadığı insanlara belə  yardım etməyə hazır olan dostcanlı və mehriban insanlardır. Katalonyanın İspaniyanın şimal hissəsində yerləşməsinə baxmayaraq,buranın iqlimi unikaldır.  Çox da isti olmayan yay və mülayim qış. Burada ilin 300 günü günəş olur. Katalonya dağ, meşə və dənizin bir yerdə olduğu möhtəşəm təbiətə malikdir. Barselona isə onun məşhur şəhəridir. Bu şəhər, qədimdə Aralıq dənizinin ən gözəl şəhəri hesab olunurdu.  Çəkinmədən demək olar ki, Barselona dünyanın ən gözəl şəhərlərindəndir. Barselona ele bir yerdir ki, burada yaşayanlar həm tarixi, həm qədim arxitekturası, həm də mədəniyyəti ilə fəxr edə bilərlər.  Barselonanın tarixi İspaniyadan daha qədimdir. Bu, abidələrin və canlı tarixi səhiflərin ansamblıdır. Qədim Roma dövründən burada Qot məhəlləsi, orta əsrlərdən isə dəbdəbəli memarlıq abidələri qalmışdır. Yayda, Barselona gül ətri və quşların səsi ilə dolur, bəzi küçələr  isə quş bazarının xatırladır. Barselona Madriddən, Romadan, Berlindən və digər Avropa şəhərlərindən çox fərqlənir, Bura port şəhəridir, bura məşhur Qaudinin yaşadığı şəhərdir. Roma dövründə, Barselona indiki Qədim şəhər (Ciutat Vella) adlanan hissədə məhdudlaşırdı. Bu ərazinin sərhəddi dəniz, Monjuk dağı və dairəvi rond küçəsi, XIX əsrin ortalarında xaraba qoyulmuş qala divarları idi.

Barselona tarixinin bir hissəsi Antonini Qaudi ilə sıx bağlıdır. Qaudi qeyri-adi fantaziyaları ilə modern üslubunda binalar tikən məşhur arxitektor idi. Onun evi Qauel parkinda yerləşir. Bu park kiçik şəhərciyi xatırladır. Burada bağlar, bazarlar, gözəl fontanlar və s. yerləşir, lakin parkın tikintisi tamamilə başa çatmamamışdır. La Sagrada Familia bazilikası arxitektorun yaradıcılığını ən məşhur əsəridir, onun inşası üçün 1882-ci ildən ömrünün  sonuna qədər (1926) çalışmışdır. Dəbdəbəli Passeig de Gracia parkında, Qaudinin qeyri adi formada inşa etdiyi tikililərdən biri olan, qanadlı əjdaha binası yerləşir. XX əsr memarlğının formalaşmasında Qaudinin böyük rolu olmuşdur.

İspaniyaya köçmək və yaşamaq haqqında daha ətraflı məlumat üçün tıklayın