San-Fransisko-bu şəhəri sevməmək mümkün deyil!

San-Fransisko  Amerikanın Kaliforniya ştatında yerləşir. Bura Sakit okeanın sahilində yerləşən və 3 tərəfi su ilə əhatə olunmuş cəlbedici şəhərdir.  O özünün yay dumanı, Viktoriya memarlığı, kəndir yolları, müasir memarlıq abidələri və gözəl mənzərələri ilə çox məşhurdur. San-Fransisko  ABŞ-ın və Şimali Amerikanın əsas turistik şəhərlərindən biridir.

Beləliklə gəlin San-Fransiskonun ən məşhur turistik yerləri ilə tanış olaq.

Çaynataun :  Əsası 1840-cı ildə qoyulub.  Çaynataun Asiyadan sonra dünyada Çinlilərin çox olduğu ən böyük ərazilərdən biridir.  

Burada yaşayan Çinlilərin çoxu qitələrarası dəmir yolunda çalışan immiqrant işçilər və qızıla hücum dövründə bura gələn mədənçilər olub.

Transamerika:  Şəhərin maliyyə rayonunun mərkəzində yerləşən bu göydələn Qızıl Darvaza körpüsündən sonra San-Fransiskonun ikinci simvolu hesab olunur.  Memar Uilyam Pereyranın sözlərinə görə  bu piramida göydələnlər üçün ideal bir formadır. Binanın üstünlüyü ondadır ki, o, küçəyə daha çox işıq və hava daxil olmasına şərait yaradır. Onun hündürlüyü 260 metrdir və hələ də San-Fransiskonun ən hündür tikilisidir.

Lombard strit:  Bu küçə Hayd və Livenuort küçələri arasında yerləşir və San-Fransiskonun  ən dolama küçələrindən biridir. Küçənin belə formada olmasının səbəbi dik olan təpədən  enişi asanlaşdırmaqdır. Bu yolda mümkün  sürət həddi saatda 8 km saatdır.

Golden Gate park:  Bura möhtəşəm yel dəyirmanları, muzeyləri, gölləri olan böyük şəhər parkıdır.  Bu park 1017 hektar ərazini əhatə edir.  Golden Gate parkı San-Fransiskonun ən məşhur  turistik yerlərindən biridir.

Alkatras: Bura bir vaxtlar ən təhlükəli cinayətkarların saxlanıldığı həbsxananın yerləşdiyi adadır.  Belə hesab olunur ki,  bu həbsxanadan qaçmaq mümkün deyil.  Hal-hazırda bu ada San-Fransiskonun məşhur turistik yerlərindən  və tarixi abidələrindən biridir. Hər il  adaya minlərlə turist axın edir.

Qızıl Darvaza Körpüsü: Bu körpü San-Fransiskonu şimaldan San-Fransisko yarımadası, cənubda isə Sausalito şəhərciyi yaxınlığındakı Marin rayonu ilə birləşdirir. Körpü 1937-ci ildə tikilib, onun tikintisinə 7 il sərf olunub.  Qızıl Darvaza körpüsü tikilib qurtarandan sonra dünyanın ən böyük körpüsü elan  edildi. Bundan sonra o San-Fransiskonun və Kaliforniyanın əsas simvoluna çevrildi.