Berlin-bu şəhərdə yenliklər qədim abidələrə zərər vurmadan həyata keçirilir.

Berlin Almaniyanın şərqində, Polşa ilə sərhəddən 70 km məsafədə yerləşir. Tarixi mənbələrə əsasən Berlinin əsası 1244-ci ildə qoyulmuşdur.

Berlin Avropanın digər şəhərlərindən xeyli fərqlənir. Bu şəhər daim yenilənir, lakin yeniliklər həyata keçirilən zaman tarixin qədim  izlərinə heç bir zərər dəymir.

Berllində əsl incəsənət mərkəzidir. Burada çoxlu incəsənət qalereyaları, dizayn studiyaları vardır. Şəhərdə mütəmadi olaraq beynəlxalq sərgilər, konfranslar və musiqi festivalları keçirilir.

Almaniyanın paytaxtı ilə  tanışlığa Unter Den Linden bulvarından
başlaya bilərik. 

Bu küçə, Avropada neçənci ildə salındığı məlum olan nadir küçələrindən biridir.  Bulvar Fridrix Velqelmin əmri  ilə 1647-ci ildə salınmışdır. Zaman keçdikcə bu küçə Berlinin ən məşhur yerlərindən  birinə çevrilməyə başladı. İkinci dünya müharibəsi zamanı burada yerləşən bütün binalar və memarlıq abidələri darmadağın edilmiş və sonralar yenidən bərpa olunmuşdur. Lakin bu hadisə küçənin məşhurluğunu azaltmadı.

Berlində  payız fəslinin xüsusi gözəlliyi vardır. Şəhərin özünəməxsus cəhətlərindən biri də budur ki, payızda yerə tökülmüş yarpaqlar zibil hesab olunmur. Qış gələnə qədər küçələrə tökülmüş yarpaqları  olduğu yerdə qalır və onları heç kim süpürmür. 
Berlinin əsas turistik yerlərindən biri də Brandenburq darvazasıdır.  O, şərqi Berlinin əsas simvollarından biridir. İlk əvvəl bu darvazaya “Dünyanın qapısı” deyirdilər.

Brandenburq darvazası 1989-cu ilə qədər uzun illər ərzində Almaniyanı iki yerə ayırırdı. Brandenburq darvazasından sonra Berlin divarları yerləşir. 1989-cu ildə bu divarların sökülməsindən, Şərqi və Qərbi  Berlin arasında sərhədlərin açılmasından sonra bu divarlardan çox az bir hissə salamat qalmışdır. 1990-cı ilin yazından etibarən bu divarların salamat qalmış hissəsində şəhərin siyası həyatında baş vermiş hadisələr haqqında rəsmlər çəkilməyə başlandı.  

1990-cı ilin 28 sentyabrında həmin ərazidə “East Side Gallery” açıldı. Bu muzey dünyada açıq səma altında fəaliyyət göstərən ən uzun icəsənət abidəsidir.

Şəhərin Şərq və Qərb hissəsi bir-biri ilə kəskin fərqlənir. Şərq 

tərəf göydələnlər, ticarət mərkəzləri və möhtəşəm ofislərdən ibarətdir. Qərb tərəf isə yüz illərdən bəri mövcud olan canlı tarixdən ibarətdir.

Şəhərin iki hissəsi təkcə arxitekturası ilə fərqlənmir. Qərblilər  Şərqli almanları “osi”, şərqlilər isə gözünün formasına görə Qərbi amanları “vesi”  deyə adlandırırlar. Şəhərin iki hissəsini bir-birindən ayıran digər cəhət də  işıqforlardır. Şərq hissədə hələ də məşhur Ampelman saxlanılmaqdadır.

 Bu “papaqlı centlmen” və ya sadəcə”yaşıl adam” 1961-ci ildən etibarən Şərqi Berlinin əsas simvoludur.

Muzey adası-Berlinin ən əfsanəvi  və qeyri-adi yerlərindən biridir.  Bu qeyri adi ad Berlinin Şimalında, Şpre çayında yerləşən Şpreinzel adasına məxsusdur.  Burada Berlinin ən məşhur muzeyləri yerləşir. Muzey adasına dünyanın hər yerindən turistlər gəlir. 1999-cu ildən etibarən bu ərazi Yuneskonun mədəni irsi siyahısına aiddir.