Dünyanın yüksək ərazidə yerləşən şəhərlərindən biri La Pas

Boliviyada yerləşən bu şəhər  Santa-Kruz-de-la-Sierradan sonra  ölkədə   əhalisi çox olan ikinci şəhəridir.   

Şəhərin tam adı:  Nuestra Senyora-de-la-Pas

Əsası 1548-ci ildə qoyulan  La Pas Cənubi Amerikanın ən qədim şəhərləri sırasındadır.  O Amerika qitəsində İspanların qızıl və gümüş tapdıqları ilk şəhərlərdən biridir. Dəniz səviyyəsindən 3650 metr yüksəklikdə olan La Pas ölkənin şimal-qərbindən cənub-şərqinə axan Çokyapu çayının əmələ gətirdiyi dərədə yerləşir. Şəhəri hər tərəfdən

Altiplano yüksək dağları əhatə edir.  O,  böyüdükcə dağ yamaclarına doğru inkişaf edir  La Pas La Pas Boliviyanın vacib mədəni mərkəzlərindən biridir.   Burada İspan  müstəmləkəçiliyi dövründə tikilən kilsələr,  tarixi binalar müxtəlif muzeylər,  qədimdən qalma bazarlar çoxdur.  Şəhər özünün qeyri-adi topoqrafiyası və milli mədəniyyəti ilə fərqlənir.

İspaniyanın müstəmləkəçiliyi dövründə şəhərlər mərkəzi meydanların ətrafında salınır, ətrafında isə əsas inzibati binalar və kilsələr yerləşirdi.  La pas şəhəri də bu qaydadan kənara çıxmamışdır. Şəhərin əsas mərkəzi meydanı  Plaza Murilyodur. İlk əvvəl meydanın adı Plaza de Armas idi. Sonralar bu meydana Boliviyanın azadlığı uğrunda mübarizə aparan Pedro  Dominqo Murilyonun adı verildi.  Meydanın mərkəzində bu qəhrəmanın 3 metrlik bürünc heykəli qoyulmuşdur. Murilyo meydanı hal-hazırda şəhərinəsas turistik yerlərindən biridir.

Meydanın yaxınlığındakı Salle Xaen küçəsində  La Pasın ən maraqlı muzeylərinin yerləşir.  Salle Xaen həm də müstəmləkə dövründən qalan binaların olduğu ən gözəl küçələrdən biridir.  Bu küçə 100 illər bundan qabaqkı görünüşünü  saxlamaqda dava edir.

Valle de la Luna-Ay vadisi

Ay vadisi La Pasın mərkəzindən 10 km məsafədə yerləşir. Əsrlər ərzində yağış və küləyin təsirindən bu ərazidə  relyef qeyri-adi bir görünüş almışdır. Ay vadisi labirint və keçidlərdən ibarət olan möhkəm ərazidir.