Mono Liza Florensiyaya gətiriləcəkmi?

İtaliyanın tarixi və mədəni irs üzrə Milli Komitəsi  Leonardo Da Vinçinin Mono Liza əsərinin Florensiyaya qaytarılması ilə bağlı tələb irəli sürüb. Hamıya bəlli olduğu kimi Mono Liza portreti uzun illərdir Parisin Luvr muzeyində saxlanılır. Lakin italiyanlar möhtəşəm əsərin doğma yurdu Florensiyaya qaytarılmalı olduğunu düşünürlər. Komitə artıq bu məsələ ilə bağlı 150000 min nəfərin imzalı ərizəsini qəbul edib.

Məşhur rəssam Leonardo Da Vinçi bu rəsmi 1503-1505-ci illərdə İtaliyada çəkmişdir. Ölümündən 3 il əvvəl , 1516-cı ildə rəssam portreti özü ilə birlikdə Fransaya aparmış və ömrünün sonuna qədər ondan ayrılmamışdır.

Məlumatlara görə portret rəssamın ölümündən sonra onun varisi olan tələbəsinə qalmışdır. Sonra portret Fransa kralı I Fransizko tərəfindən alınmış və Fontenble qalasında saxlanılmışdır. XIV Lüdovikin dövründə isə  portret  onun yeni sarayı olan Versala aparıldı. XVIII əsrin sonunda Fransa inqilabından sonra məşhur sənət əsəri , zamanla muzeyə çevrilən Luvra gətirildi.