Avropada yeni valyuta

19 Sentyabrdan etibarən Avropada  yeni valyuta meydana gəldi-Bristol pound. Yeni valyuta Britaniyanın Bristol şəhərində yaradılıb və yalnız həmin şəhərdə bu pullar ilə ödəniş etmək mümkün olacaq. Yeni valyutanı tətbiq etmək ideyası Bristolda hələ keçən il yaranmışdı, lakin bu iş hər dəfə təxirə salınırdı. Yeni valyutanın internet saytındakı(bristolpound.org)  məlumatlara əsasən deyə bilərik ki, hal hazırda dövriyyəyə 1, 5, 10, 20 britol fundunu əks etdirən pullar çıxarılmışdır. Pulların üzərinə Şəhərin görməli yerlərinin və məşhur şəxlərinin şəkilləri vurulmuşdur. Məsələn, 20 bristol fundunun üzərinə müəyyən hissələri Bristol şəhərində hazırlanan  “Konkord” təyyarəsinin rəsmi yerləşdirilib.

Şəhər hakimiyyəti yeni valyutanın Bristolun iqtisadiyyatına yaxşı təsir edəcəyinə ümüd edir. Məlumatlara görə, pul dövriyyəyə buraxılan andan etibarən yüzdən artıq müəssisə yerli pula keçmək istədiyini bildirib. Bir bristol fundu, bir fund-sterlinqə bərabərdir. Lakin Fund- sterlinqi Bristol funduna çevirən zaman 3 % komissiya tutulacaq və bu pul yeni valyutanın saxlanılmasına xərclənəcək.