Şimali Koreyanın sirri açıldı

İnsan hüquqları müdafiəçiləri Google Earth xidməti sayəsində Şimali Koreyada 6  konslager aşkar ediblər. (Konslager- düşmən hesab olunan bir  qrup insanın əsasən  çox ağır şərtlərdə bir yerə toplanarak həbs olunub saxlanıldığı qapalı məkan). Reutersin verdiyi məlumata əsasən  bu konslagerlərdə 250 minə qədər siyai məhbus saxlanılır. Hüquq müdafiəçiləri hesab edirlər ki, təkcə Şimali Koreyada onlarla belə konslager  var. Konslagerin peyk görüntülərinə freekorea.ua  bloqunda baxmaq  olar.  Hüquq müdafiəçiləri israr edir ki, bu konslagerlər yuxarıdan peyk vasitəsilə baxdıqda qeyri-adi bir şey hiss olunmasın deyə,
qəsdən şəhərcik və ya qəsəbə formasında qurulmuşdur.   Lakin mütəxəssislər görüntülər üzərində tədqiqat  aparmış və burada düşərgə qapıları, gözətçi qüllələri, kömür və neft quyularının olduğunu qeyd ediblər. Hüquq müdafiəçiləri tərəfindən ilk konslager 2003-cü ildə aşkar edilmişdi və bunun ardınca onların “Gizlədilmiş GULAG” adlı ilk kitabı çap edilmişdi. 2012-ci ildə isə kitabın ikinci hissəsi çıxarıldı.  Google Earth şəkillərini görən keçmiş məhbuslar təsdiq edirlər ki, onlarən saxlanıldıqları yerini bilirlər. Yanvar ayının 8-i Google idarə heyətinin sədri  Erik Şmidt bu məsələ ilə bağlı Şimali Koreyaya səfər etdi.  O, yerli sosial media ilə görüşmək, universitetləri ziyarət etmək və yerli  siyasi liderləri ilə görüşmək niyyətindədir.