Florensiyada 2000 il əvvəl bundan əvvələ aid dərman qutusu

Evinizdə nə qədər dərman həbləri olduğunu bilirsinizmi? 50, 100, bəlkə də bir neçə yüz?  Elə bir dövrdə yaşayırıq ki, hamımızın evində çoxlu sayda dərman olması adi bir haldır.  2000 il bundan əvvəl isə dərman  hazırlamaq üçün  bu qədər  istehsal vasitələri və şirkətləri yox idi. O zaman Hippokrat özü lazım olan bitkiləri toplayıb onlardan məlhəm hazırlamaq məcburiyyətində  qalırdı.  Həmin  məlhəmlərlə müalicə olunmağa isə hər kəsin gücü çatmırdı, çünkü bu çox baha başa gəlirdi və yalnız xüsusi  xəstələr buna nail ola bilirdi. Elə buna görə də bu yaxınlarda Florensiya və Piza şəhərlərində aşkar olunmuş tapıntıları kiçik sensasiya da

adlandırmaq  olar. Toskana sahillərində batmış  gəmidən qədim dərman qalıqları tapılıb. Relitto del Pozzino adlı  ticarət gəmisi 2000 ildən artıqdır Toskana sahillərinin dibində qalmaqdadır.  Gəmidə aşkar olunmuş həblər  yerləşdirildiyi dəmir qutu sayəsində heç bir şey olmadan dövrümüzə qədər gəlib çatmışdır.  Tapılan həblərin sayı 6,  rəngi isə bozdur.

Alimlər bu qədim dərman qutusunu analiz etmək qərarına gəliblər, bu yolla onlar həblərin tərkibini öyrənib ondan müasir tibbdə istifadə etməyi düşünürdülər. Ortaya çxan nəticələr də maraqlı olub: belə ki, həbin  tərkibində tapılan maddə günümüzdə də mövcuddur. Bu hamının bildiyi sinkdir.  Onun dizinfeksiyaedici tərkibi yaraların tezliklə sağalmasına kömək olur. Həblərin tərkibində həmçinin nişasta, qətran, bitki və heyvan yağları, kətan, kömür vardır. Ehtimal olunur ki, bu həblər daxilə qəbul etmək üçün deyil, məlhəm kimi sürtmək üçün istifadə edilirmiş. O həmçinin göz xəstəliklərinin mülicəsi üçün göz qapaqlarının üstünə çəkilirdi.