Dekabrın 7-si, İsveçrədə Avropanın ən hündür asma
körpüsünün açılma mərasimi keçirildi. Körpü Titlis dağında 3041 metr yüksəklikdə
yerləşir. 100 metr uzunluğunda olan və 1.5 milyon franka başa gələn körpüdən
keçmək pulsuzdur. Əlbəttə ki, eni 1 metr olan körpüdən keçməyə yalnız normal
hava şəraitində icazə verilir. Körpüyə gəlmək
üçün 140 metrlik yeraltı “Titlis” dağ
stansiyasına minmək lazımdır. Körpüyə gəlməzdən öncə turistlər öz idman əşyalarını
və ya digər böyük əşyalarını stansiyanın saxlama
məntəqəsinə qoya bilərlər. Yüksək
hündürlüyə və
güclü küləyə baxmayaraq bu
körpü təhlükəsizdir. O, sadəcə olaraq
bir az yellənir. Adrenalin həvəskarları üçün bu körpü bir cənnət kimidir.
Yaxınlıqdakı Salbiçen dağında yerləşən Salbitrücke körpüsü isə artıq Avropanın
ikinci yüksək körpüsü oldu.
Hiç yorum yok:
Yorum Gönder