Fransada Parisin Notr Dame kilsəsinin 850 illik yubileyinin qeyd olunma mərasimi başlayır.

Dünən Vatikan radiosunun verdiyi məlumatlara görə, dünyaca məşhur Notr Dame kilsəsinin 850 illik yubileyinə həsr olunmuş  mərasim 12 dekabrdan etibarən 2013-cü il noyabrın 24-ə qədər davam edəcək.  Yubileyin qeyd olunması bu gün axşam saatlarında Paris arxiyepiskopu Andre Ven-Turanın iştirakı ilə başlanacaq.  Mərasimdə şəhər meri Manuel Valsa və bir sıra görkəmli siyasi, ictimai xadimlər iştirak edəcək.  Yubiley münasibəti ilə şəhərin qonaqları  üçün xüsusi marşrut müəyyən olunub. Katedral meydanında başlanan marşrutda tursitlərə Kilsə və onun ətrafındakı yerlərlə bağlı maraqlı faktlar açıqlanacaq.

1163-cü ildə VII Lüdovikin dövründə,  Roma papası III Aleksandr,  Paris arxiyepiskpu Moris de Syulliyə Məryəm anaya həsr olunacaq

kilsənin tikintisi üçün razılıq verir.  Məbədin xarici və daxili gözəlliyi və əzəməti uzun əsrlər boyu onu kral nigahlarının, tacqoyma və dəfin mərasimlərinin şahidinə çevirmişdir. Məhz burada 1302-ci ildə Fransa parlamentinin - Baş Ştatların ilk iclası keçirilmişdir. 850 il ərzində kilsənin xarici görünüşünü bir neçə dəfə dəyişdirilmişdir. Kilsə 1831-ci ildə Viktor Hüqonun  “Paris Məryəm ana kilsəsi” romanının yazdıqdan sonra xüsusi şöhrət qazanmağa başladı. Hər il 14 milyon turist qəbul edən bu kilsə Avropanın ən çox ziyarət edilən abidələrindən biridir.

Yubiley münasibəti ilə yanvar ayında Fransada Notr Dame kilsəsinin şərəfinə iki yeni poçt markası istifadəyə veriləcək, fevral ayında isə kilsəyə yeni zəng qoyulacaq.